孖書孖評︰《搞定女人——女同志給男人的性愛指導》

文：益你囉

呢本書係由一個男異性戀加一位同女同志註合寫的。點解會以女同志既性貼士作為賣點呢？因為女同志同男異性戀一樣愛女人，會同女人做愛，不過佢地有一先天的優勢，就係同是女兒身，對女人的生理及心理都較男人清楚，而且佢地無傳統異性戀既角色規範，有更多空間創造自己想要既角色同玩法。作為一個異性戀女人，老實講，筆者睇完真係有一下覺得：「如果我係同志就好喇！」架囉。

點解識做唔識講？

良好既性愛溝通係美滿性生活既失決條件。點解咁多人連o係伴侶面前都唔敢講出自己既喜好同慾求？其中既原因，一係大多數同性愛有關既用語都有負面含意，另外就係受傳統異性戀的角色規範。所以，作者引導大家將性愛用語既負面意義去除，重新掌握其使用權，然後要你盡量拋棄以往習慣扮演既角色，開放地討論彼此的需要。

女同志醒醒你：老兄，忘掉你的陰莖吧！

如果話你聽女同志明白且識得唔插入都可以令女人好滿足又或者佢地知道插入根本就好次要，你會唔會覺得好神奇？呢個好多女人都知既所謂秘密，D男人就硬係唔知或者扮唔知。「如果陰莖是性福的關鍵，那你永遠比不上女同志——她可以綁上任何形狀與尺寸的假陽具，整晚不休息，而且絕對沒有陽萎問題。」記住，人地係同你成個人做愛唔係同陽具做愛，用下腦用下手，全身都要努力，最緊要，你個心要全程在場！

「前戲？全程都是遊戲！」

有女同志認為「前戲是仇視女性者的概念」。簡直係一矢中的！前戲呢個概念根本就係「陽具中心論」的衍生物，只係為左導向插入呢個最終目的。NONONO！邊個話前戲一定由Kiss開始，以插入結束？性愛唔係一件「插入事件」，而係「成件事」，如將整個性愛過程當作一場有節奏感的遊戲，跟隨你的衝動、直覺同埋情感，用愛感受伴侶的身體，咁樣單單Kiss、擁抱，都可能令人滿足。

工欲善其事，必先利其器

對於很多女同志黎講，性玩具只不過係玩具，S／M只不過係RPG的一種，肛門只不過係陰道以外既一個選擇，以上所有只不過係令個遊戲更好玩既工具。女同志可以對呢D一般被賦予負面聯想事物持開放態度，原因係佢地有靈活既角色，同埋追求性愉悅既廣大包容性。如果閣下可以理解並學會好好利用呢D工具的話，你既性生活一定能變得更豐富。

書內亦提供唔少性技巧既tips，如接吻、按摩、口交、手交等等，內容實用但唔係話太過特別。不過成本書既筆調都偏向女性化，仲要一幅圖都無，可能真係會考起視覺敏感的男士既閱讀耐性。不過唔緊要啦，因為作者其實最想既係打通你任督二脈，開放你對性的想像，話比你聽咁都得，咁咁咁都無問題者。

註：為了簡化，此書概稱所有「愛女人的女人」為女同志