唔聲唔聲，學聯秘書長〔校園散打〕

文：冷毛球

或者唔提起大家都唔記得香港有個「專上學生聯會」（學聯），當年八九民運之後就好似冇咩聲氣。其實而家中大都仲係學聯成員，大家每年D學生會費都仲有六蚊係交俾佢。

話說學聯有個秘書處，負責落手落腳搞行動。自從零一年左右搞完人大釋法之後就一直都出缺，學聯就似乎係咁樣頹足五年。事隔五年，上個月中學聯開週年大會，竟然有人走出黎選秘書長，仲係中大同學仔添。

走出黎做秘書長既阿基上年係中大學生會外副，問佢做秘書長有咩搞，佢就話其實都係講左咁多年既「民主」、「公義」，冇乜特別喎。來年學聯秘書處會做成點，似乎大家都要拭目以待。