你讀‧我讀

你讀‧我讀

文：你讀

雖則我而家對讀書冇咩興趣，但其實我唔係一直都咁樣。

話說我中學時候，曾經有段時間對天文好有興趣，覺得宇宙好靚好神秘，於是成日去圖書館借天文書，番到屋企就廢寢忘餐咁睇。嗰時因為睇得太沉迷，冇點樣溫書，結果成績一落千丈，阿媽激起上黎，唔比我再借天文書睇，要我專心溫書，話咩最緊要係考好啲試，攞到好成績，其它影響考試啲野就唔好理喇。

你知喇，中學冇天文呢科，考試又唔會出，就算我知道粒星點演變呀，考試唔好咪又係冇人會欣賞！再加上阿媽唔比，我費事要偷偷摸摸咁睇，慢慢就放棄左呢個興趣。

讀到中六七嘅時候，大家係備戰狀態，學校又狂操我地做pastpaper，同學日日去自修室溫書，身邊又成日聽到入唔到大學嘅失敗例子，話佢地兜左好多冤枉路。係咁緊張嘅氣氛底下，我根本冇時間睇咁多垃雜野，嗰時心裡面得一個目標，就係要考好公開試，入到好嘅大學同學系。

填JUPAS個陣，我都曾經有諗過讀港大天文嘅，不過最後都係冇放到，而係擺左中大信息工程做第一。冇計喇，讀天文出路實在太差，同冇讀大學冇分別，而工程符合我成績，出路又算過得去，咁大學都係為左攞張沙紙、出黎搵份好工嘅。至於興趣呢家野，得閒時咪讀下囉，反正大學咁多時間，唔洗搵前途搏嘅。

我諗你都想像到，我根本就唔知信息工程係讀咩，都係諗住入到去先算，到時有興趣就讀多啲，冇興趣咪求其應付下考試算囉。大學咁多野玩，就算我唔讀書，都總會有其他野做掛。

頭幾堂我都有試下聽書嘅，咁我唔知個科讀咩呀嘛，都想試下了解下，睇下有冇興趣，最後就緊係發現係冇喇！一黎我對啲野真係冇感覺，二黎去後期啲野越黎越深，我開始聽唔明，就更加冇動力聽。上堂悶，再加上課外活動越黎越忙，就開始走堂，由最初每星期走幾堂，發展到完全唔上早堂，甚至自製week off。

你問我考試點算？咁我又唔會唔溫嘅，都唔可以令GPA太失禮架，如果唔係第時點搵工？平時咁多活動就唔會點溫架喇，都係考試前一星期先開始抱下佛腳。首先textbook我就一定唔會睇哂，本書咁厚我點可能睇得哂？我只會睇每個chapte最後嘅summary，同埋就係睇上堂嘅powerpoint、睇notes同做pastpaper。到最後多數都係溫唔切，咁咪只好返去瞓個覺，祈求碌到個考試囉。

其實我都唔係話對讀書冇哂興趣嘅，我都有試過take啲天文courses做free elective架，睇下可唔可以重拾番興趣，仲罕有地揭過下本textbook。可惜嘅係，我其他活動太忙，冇咩時間讀，就算真係得閒揭開本書，又會好快冇心機睇落去，然後走左去打機。你知啦，我平時咁多活動，返到宿已經好攰，仲要睇書好傷腦筋架嘛，打機就唔同喇，攰嘅時候可以令你即刻放鬆。

你問我GPA點樣？未至於差到連工都冇得見咁囉。我係大學冇點讀過書，間唔中一兩個有興趣嘅courses，又會因為冇耐性嘅關係而冇點讀，所以有呢個GPA都算還得神落。不過唔緊要喇，我AL讀得咁辛苦就係為左入大學，唔通上到黎都要咁搏命咩？入到大學緊係玩盡佢啦！GPA呢家野，勉強夠搵工咪算囉。

文：我讀

我在讀大學之前，從沒想到會對哲學產生這麼濃厚的興趣。

當初選科的時候，並沒有特別喜歡的學科，只是隨便填幾個與我成績相近的學系。至於為何哲學是第一志願，純粹是基於一些膚淺想法：那些哲學問題似乎挺有趣、讀哲學聽起來很「有型」、別人說讀哲學可以訓練思辯等。當然我也有想過前途問題，但我家庭算是中產，沒甚麼經濟壓力，加上家人沒有反對，所以最後還是胡里胡塗進了哲學系。

上了幾堂課後，我發現我把哲學想得太簡單了。那些我覺得挺有趣的哲學問題，背後都牽涉到十分複雜的理論，遠比想像中難懂。課堂上會教一些艱澀的概念，多是蜻蜒點水介紹一下，餘下的就要同學自己看推薦書目，而那些書又十分難讀。讀了沒多久，我已經覺得很辛苦，萌生起放棄的念頭。

轉捩點是在倫理學的某一課，有提到墮胎是否合乎德道的問題。剛巧我在中學時有做過墮胎的專題研習，曾經認真地思考過墮胎的問題，所以對提到的相關爭論頗有興趣，會想知多一些。以往我看推薦書都是很隨便地看，遇到不懂的地方就很容易放棄，但那堂課之後，我揭到有關墮胎的部分時會認真地看，有不懂的地方就嘗試問其它人。後來看多了，就覺得那些書不是以往想的那麼難讀，不明白的地方也少了。

當我對墮胎問題有更深的了解後，就發現這問題跟哲學的其它範疇很有關係。比如想問墮胎是否合乎道德，就要先問何謂生命，是否有意識就是生命？這就牽涉到心靈哲學的範疇。再問就是，人是怎樣探求道德標準的？這是知識論的問題。因此想清楚理解墮胎的問題，除了讀倫理學之外，也要讀好心靈哲學同知識論，而在接觸其它範疇的過程中，我又發掘到更多感興趣的部分。

頓時，一個龐大複雜的知識體系呈現在我眼前，內裡的每個科目互相皆有關聯，比如知識論、倫理學、心靈哲學就是互相有關，如繩網般互相扣連。我想起牛頓的一句名言：「我就像在海灘上嬉戲的小孩，偶而撿到一枚美麗的貝殼，然而眼前還有真理的大海等著我探索。」

自此，我對哲學的熱情一發不可收拾，除了上課聽書，以及看教授推薦的書目外，覺得不夠的話，還會到大學圖書館借有關書藉。如果有些我感興趣的問題，課堂上沒教的話，我也會嘗試以課堂以外的途徑了解。最後，因為哲學是十分重視討論的學問，所以我有空時也會找老師和同學討論感興趣的題目。

話雖如此，我大學三年的求學過程也不是一帆風順的，而是經常遇到挫折，甚至會有怠懶鬆懈的時候。

首先，我並不是對哲學每個範疇都感興趣的，畢竟哲學範圍實在太大了，比如符號邏輯我就比較沒輒。我在這些科目投放的心力不多，有關的書目也沒有很認真地讀，還會經常走這些科目的堂。當然，後果就是趕論文或是臨考試前，發現自己對這些科目毫不認識，只好臨急抱佛腳，隨便應付過去了。

另外就是關於耐性的問題。要知道哲學的書目很多都十分艱澀難懂，沒有耐性是很難讀完的。以前我一看到不明白的地方就會立即放棄了，現在的我知道這是必經之路，因此遇到不明白的地方會較有耐性，盡量想清楚想明白。不過我還是有沒耐性的時候，比如有時看書看得很累，又沒甚麼進展，就沒有動力看下去，結果變成上網、看電影和打電玩。始終要從看書獲得喜悅需要極大耐性，但身邊卻有太大可以即時獲得快感的娛樂方式，沒有定力的話就很容易受到誘惑。

最後，我的GPA還算滿意吧！僅僅足夠我讀上研究院。我始於覺得，GPA並不完全反映學懂了多少，因為有些我臨急抱佛腳應對的科目，卻意外地成績不太差，而有些我極有興趣的科目，成績又不會因此高很多。當然，GPA反映了有否掌握到基本知識，至少這點我是贊同的。無論如何，讀大學最重要是學到自己真正有興趣的知識，拿到好的GPA只是順便吧！

結語：你讀？我讀？

現代社會講求效益，只視知識為獲得利益的工具，不重視探求知識的樂趣，壓抑了人本身的求知慾；另一方面，效益主義亦強調快樂是要即時獲得，讀書這種需要耐性的方式則被唾棄。上文的「你讀」正是受這些價值觀影響，最終沒有堅持自己的興趣。但是仔細想想，入讀大學的多是十幾廿歲的年青人，有最多機會學習各種事物，如果只為沙紙，甚麼也學不到，豈不是浪費了這黃金三年？還倒不如像「我讀」那樣，找到自己的興趣並堅持下去，才算善用大學三年。