情色︳Stephy信箱

Stephy信箱

問：Stephy，我係仔仔黎ga，大半年前識到個好錫我既男仔，我覺得同佢一齊好舒服，我以前都同過幾個女仔拍拖，但從未有真正愛過的感覺。好想一世就同佢一齊，唔知點解，明知香港男男冇得註冊結婚，但係都係好想一個儀式話俾親朋戚友知我地決定一齊過埋下半世啦！

 不過咁，我想問，冇得註冊結婚，咁有咩方法可以搞到個婚禮呀？而且我地好鍾意小朋友，有冇得領養返一個架？如果可以，第時佢叫我地爸爸「媽媽」定係「爸爸」同「爸爸」好呀？

仔仔

********************

仔仔：

雖然同性朋友係香港無得結婚，

不過飛去外國註冊嘅同志都唔少架喎，如果有d錢，

去加拿大呀荷蘭呀，都應該唔難嘅，不過無錢嘅呢……

Stephy有d讀law嘅朋友，話去申請註冊，

被人reject就申請法援去搞司法覆核，因為唔俾同性結婚係違反基本法架喎！

不時聽到異性戀者話婚姻係愛情墳墓，
但對於同志朋友黎講，結婚可能不單止是兩個人相愛咁簡單架嘛，

目前已婚夫婦有稅務優惠、可以承繼遺產，
都係同志無嘅權利。假如同性伴侶不幸過身，另一方都唔可以以伴侶身份承繼，

兩人相愛至死都不被世界所承認先係最令人傷心，幾痛呀！
所以仔仔，你身為同志，係香港係會受到十分不公平待遇的！

至於你想搞個儀式比親友知道自己已經結婚，都唔係唔得嘅，
席上都可以播下你地D sweet sweet片段，分享下你地既come out經歷，鼓勵下台下未有膽出櫃的同志朋友。
或者搞得張揚D，去下迪迪尼或者海馬公園嗰啲童話婚禮囉！

至於小朋友方面，
其實如果你真係想領養，就好可惜香港係唔可以既，
因為社署規定，淨係得已婚人士（啫係所謂「正常家庭」）至可以申請領養兒童架，姐係話單身人士呀、單親呀、同性伴侶呀都唔可以申請領養小朋友。
睇真D就會覺得D條件癲既，
咪啫係暗示除左係雙親家庭長大既小朋友，其他都係唔健全？

 明明兩個仔仔都一樣會好錫小朋友架嘛！

除左領養，你都可以考慮下代母架喎。即係俾錢請人幫你生，你諗下，以前都有奶媽啦，唔係自己個仔都會比自己既奶佢食，
代母算係進化版，想知多ｄ資料，可以睇下台灣何春蕤教授既書。

至於稱呼呢回事，點解一個家庭一定要有一個「爸爸」一個「媽媽」？
兩個都叫「爸B」唔得咩？反正我地嘅家庭又唔一定只有一個父親

以前中國大家庭幾房人一齊住，父親娶幾個老婆，D子女都會叫佢地做「細媽」或者「二媽」既，
咁有鬚個個咪叫「鬍鬚爸B」，有穿環既就叫「耳環爸B」，又sweet，又可以茲識別！

Stephy