情色：Dion Dublin大波連

Dion Dublin大波連

《陰道獨白》（Vagina Monologues）係香港出左個舞台劇版，改左個無厘頭既中文名叫《VV物語》，如果佢唔係打埋果英文名出黎，睇到個題目都真係R哂頭。

可能呢班人唔記得左原著入面點樣要reclaim the cunt，萬人聚會高呼 “Kakakaka－－Cunt”，大跳 Vulva Dance，自稱要同原著一樣，要「衝破忌諱　揭露女人最深處的私密心聲」，但係連陰道都唔敢講，其實係咪想衝出黎搞笑？

其實如果嫌陰道呢個字唔夠生活化，咪索性改個名做《西西物語》或者《下面會講野》囉。如果女仔想伴侶口交時同佢講：「我想你錫下我個VV。」我諗對方會有被吹脹既感覺。

*****

草蜢回應有報導指佢地跳舞既時候摸到舞蹈員既胸部同臀部既時候，蔡一智話：「我無興趣觸摸女性胴體，可以話係唔鍾意。」蔡一傑更指報道顛倒是非，話不是自己拍到對方臀部，相反係女方打到佢既屁股。

跳舞既時候，有身體接觸本來好正常，只係有 d 人係都要係任何情況下揩到野都要理解為有人「賺到」同「蝕底」，答既人又連最無聊既閒話都驚，結果變成左白痴既對答。

*****

廣管局話講同性戀果集「鏗鏘集」既內容講下同志生活幾唔開心就係教壞細路，唔播下打壓同性戀既團體代表鬧同性戀者時果個咬牙切齒既醜樣，就係有歧視成分同埋教壞細路，我諗除左輸打贏要既團體，都無咩野人會覺得呢個決定唔怪。不過話時話，廣管局成日都唔記得左自己先係最教壞細路既團體。果裸露鏡頭性愛畫面就係不雅教壞細路既廣播守則，唔係正正令到香港講性只係得翻兩種方式：猥瑣佬式大嗌激；或者假道學式大聲小？結果我地講性得翻兩種面表情：淫笑，同埋憤怒，至於愉悅同滿足，Sorry，同性有關架咩？