五日起貨好出奇？〔第三十一屆香港國際電影節〕

文：小武

《搵工女郎》
導演：Oscar Navarro／智利／2006／
彩色／75分鐘
      
睇之前友人問我點解會揀呢套戲？我就話因為我失業，想睇睇有咩搵工必勝法。其實都唔係完全講笑，不過主要都係因為佢係低成本電影，想睇佢可以搞到咩出黎？

故事好簡單，失業一年的女主角不停搵工，搵兩日總於搵到。75分鐘講兩日，其實好多。導演運用大量長鏡頭加Close up黎影住角色們的面部表情，嘗試窺視失業人士的一輪五廓。對演員來說，這當然是考驗演技的測驗。但在電影之後的討論會中，導演話除女主角外，沒有一個演員是專業的。十幾個角色，最少果個都手震震咁影住佢三至四分鐘，仲要冇人識做戲(基本上個女主角都唔係好得)，咁大家幻想會有幾悶。

不過，悶都係其次，始終都係個故仔太單薄。試過拍一個完整故事的人都可能明白，太多支節有時又真係玩死自己。但係幾乎冇支節，一條線咁去就真係玩死觀眾。故事結局講個女主角終於搵到工，但係受唔住老闆氣之後就辭工，仲一槍射死個老闆。哇！唔係咁簡單呀？！

創作係需要Creative、需要經驗。但係導演本身是一個影評人，第一次拍戲。Creative佢唔係冇，只係經驗係需要累積。我地香港都有個叫葉念琛啦，怪得幾多個？呢個世界有幾多個杜魯福？如果要怪，好似又係要怪電影節本Catalog (P.35)。