如果運動不是活動︰學生會去年Campaigns〔學生會專題現況現場篇〕

文︰阿邊個
資料提供︰劉嘉麟

保樹立人

校方誓神劈樹，大樹老淚縱橫︰就係同情棵樹咁簡單？梗唔係啦，校園發展處亂咁黎，夾硬講到發展就一定要鋸斷晒所有舊野咁，種種環保署的規定都踩晒界。學生會連同獨立媒體、學生報的朋友，抽絲剝繭，揭發校方暴行，並以黃布黃油，真情護樹，強調校園是所有中大人的，唔係你人工高就大__晒。

知識產權小組

保護知識產權等如保護創意？咁 d 產權係邊個既先？產權係唔想大家見野就抄，還是幫助大財團用連線壟斷禁住黎搶呢？中大學生會的同學極好心機，launch 了一個幾乎每日更新的犀利網站，探討知識網站問題，各種利益與價值的平衡；仲有新知添，想學下點用開源軟件，唔俾 Microsoft 呃稱？一定要睇中大學生會喇。
http://intellectualproperty.wordpress.com/

支援天星運動

天星碼頭究竟係邊個的碼頭呢，一地市民堅持反對清拆天星，政府不但視若無睹，仲要加速清拆。唔係你話咩呀。咁都忍！政府話拆就拆，話起就起，左右手利益輸送，小市民無定企。幾年黎，廿幾區，矛招盡出。咁都忍！中大學生會的同學並冇忍，好多朋友都冇忍，直接行動，絕食，死坐爛坐，音樂會，規劃大會，阻止差佬亂拉人，保釋俾人拉左的朋友，聲援，繼續諗下點頂住下一次政府夾硬黎。總算冇太辜負同學對佢地追求公義的期望。