【國際】真正的呃like——孟加拉的click like工場?

孟加拉

呃like依樣野，耐唔耐總會做下，就好似買無聊野咁。就正如我們無法抵抗.天蓋地的宣傳或朋輩壓力而去購物，久不久我們又總要做過剩的偽自我表達去換取其他人零點五秒的認同。至於那個虛幻的like數字有多少意義，反正有人信了。

而對於公司來說，透過fb來promote自己既新產品，也再自然不過。我地久唔久都會留意下邊.餐廳有人讚好，然後又身痕去openrice睇下。的確，如果說有人的地方就有江湖，那有人關注就自然有商業。遺憾的是，有商業的地方就總有訛騙與剝削。

現下有所謂按鍵農場（click farm）的存在。其原理簡單到飛起：在第三世界國家請大量廉價勞工，不斷申請新account，不斷的click。你見到果個有幾多人讚好的數字，其實可以假到你唔信。可以有幾假？據英國衛報調查，一套只在南韓上畫的英國卡通Sir Billi，可以有成六萬幾個like，仲多過某.荷理活大片。未嚇親？再來睇國家數據，最多like來自開羅，第三多like來自孟加拉的達卡市——知唔知孟加拉係地圖邊樹？達卡市又有無聽過？

Shareyt.com，一間在達卡市注冊的公司，就是專做這些業務。名義上，它是透過各種人際網絡來相互協助，爭取彼此的like，但實際上，卻是有三四成的點..來自孟加拉的貧窮工人。他們大體需要click 1000個like，才能拿到八元左右的工錢，然後某某公司的新產品，就彷彿受歡迎起來了。

有咩感言？可以想像，這個孟加拉的case一定係冰山一角。如果各位有機會開公司，可能都要諗下點樣判斷網上宣傳的成效；不過如吾等普通facebook用家，在忍不住出post之際，又或亂click睇下無聊搞笑野既時候，見到D like，都可以諗下成件事有幾虛假，又有幾黑暗。

延伸閱讀：Guardian: How low-paid workers at ‘click farms’ create appearance of online popularity