在Dirty Team工作的這段日子，醫院職員宿舍就是王美婷 (Ada) 的「家」。她的房間佈置不多，沒有毛公仔，最顯眼的是工作枱上的一個相架，框內寫着朋友在她剛入讀醫科時給她的打氣字句：「NEVER GIVE UP 永不言敗．Follow your heart. Chase your dreams. Inspire others」。
「永不言敗」是小妮子的座右銘。當年考文憑試，她用這四個字自製打氣紙牌，掛在日曆勉勵自己追尋醫科夢。今天工作枱上的相架，則已陪伴她七個寒暑。「我成日同自己講『If you think you can, you can.』。讀醫、做醫生真係好靠自己嘅信念。你覺得自己做到就做到，覺得自己捱得過就會捱得過。」
話雖如此，Ada承認剛開始實習的階段，曾覺得自己甚麼都不會，確切感受到「讀書同落手落腳做係兩回事」。當了醫生九個月，她自覺漸漸上手，開始有信心獨立處理一個個案。加入Dirty Team後，她更猶如進入木人巷。「上到Dirty Team 更加要獨立，因為無可能隨時隨地搵人幫拖，硬住頭皮都要做，做做吓其實就會知，加上senior嘅提點，其實就會識。」
在Dirty Team，Ada 每日由早上8時半工作至下午6時，而實習醫生會輪流每4日on call通宵當值一次，負責整晚的工作至翌日下午1時。「以前依賴性大啲，依家就會諗，其實邊個唔想瞓呀，夜晚call佢地（資深醫生），佢地就可能成晚都無得瞓，聽朝又要再返工……鷄毛蒜皮嘅事就真係唔好動不動就call佢地。」
雖然經驗尚淺，Ada卻積極在團隊內發揮自己的作用，幫忙收症之餘，亦有協助資深醫生就複雜個案諮詢其他專科意見。「SARS時我仲係好細嘅細路仔，所以呢次係令我畢生難忙嘅一個體驗，難得喺我內科（實習）嘅時期，可以經歷到呢場疫症，有份去參與，去幫到啲病人。」
實習醫生王美婷 (MBChB 2019)