Members’ of CUHK

訪問：積飛亞

似存未在的愛戀

我眼前的Sally，是一個中大新亞藝術系的女生，平日總會與女友Joey朝氣勃勃地出現在新亞校園，無論是Sally所居的學思樓，抑或藝術系學生生活的誠明館，都會見到她們成雙成對地出現。

但她們並非真的赤祼地呈現這一段關係於人前。對於較陌的的人，通常介紹對方的時候都只會以「她是我朋友」作結。面對較為關係親密的朋友，她們才會直稱是自己的女朋友。「沒辦法，一段關係都不只是自己的事，還要顧及身邊人的感受。如果他們不大接受的話，我們亦無謂要去觸動他們的神經，而本身對於較親密的朋友有一定的了解，會知道他們接受與否，所以才會坦然地說出我們的關係。」我們的目光，也許是我們身邊眾多隱形同性伴侶朋友的壓力。

每一個有宿舍的學生，我相信都有想把自己愛侶帶回宿舍享受二人世界的衝動。她們憶述當初於學思樓親熱時，被工友姐姐見到此情景，當時她些不知所措的感覺，畢竟同性情侶不是所有人一下子就能接受。其後工友與她們見面多及聊天的機會多了，漸漸了解這對情侶的生活，對她們的態度變得柔和，即使有次留宿過夜離開時被工友發現，工友都識趣地都隻眼開隻眼閉，沒有責罰她們。「當初都擔心工友佢會諸多阻攔唔俾Joey入黎學思，但好彩家下佢都無刻意咁視我地係一對情侶，只係當佢係普通同學仔。雖然好似當我地段關係係透明咁，不過我諗呢種漠視我地存在的態度，是社會一路以黎ge灌輸吧」要公開同性伴侶關係，是一個需要極大思想準備、是一個長久內心掙札的過程。面對突如奇來的關係曝光，當中所面對的壓力是難以我們想像。

「或姐我地比較幸運ge係一路以黎都無咩被激烈打壓，大部份朋友、同學都明白我地，但係我地知道中大裏面仲有好多身份同我地相近ge人，佢地就未必有我地咁好彩，可能因為同學、朋友嘅唔接受，又或姐驚第日出黎社會做野同志身份會帶黎好大嘅壓力，而要盡一切辦法去隱藏自己的性取向。」

另一種圈子－中大男同志MSN群落

「入左黎中大兩年，見其他大學都有同志的MSN群組，雖知中大之前都有過，但係據聞摺埋左，咁咪試下搞個群出黎，用黎識多D朋友嘛。都差唔多一年啦，估唔到家下搞得算唔錯，有接近一百個中大男同志朋友加盟，基本上比得上中大其他SOC嫁！

講真，我都真係想繼續將呢個群搞大佢，等中大同志可以得悉我地存在，等大家多個交友平台嘛。日常生活中我地好難識到其他同志，加上同志身份係唔同學系都面對著好多嘅問題，身份嘅曝光最嚴重可以影響將來係專業上嘅前途添！透過網絡上匿名的交談，我地可以暫時放低日常生活中社會給予呢個身份嘅壓力，係網上隨心所欲咁傾計、識朋友。有時你想同多啲朋友傾計，都要左約右約，而有左個MSN群，想一大班人隨時網上傾計變得好方便，所以都吸引左唔少朋友平時忙完莊務功課後係群上吹返一兩句水，輕鬆輕鬆下。日子耐左，大家傾計都傾熟晒，就會好自然咁約大家出黎食飯傾下計咁。好多日常生活上的問題我地未必可以對朋友講，唔通當我失戀嘅時候對著一個直人喊苦喊忽咩？又唔通當我同男友感情出現問題時，向個直人訴苦咩。唔係唔得嘅，不過你唔係同我地處境一樣，好難會真切理解到我地嘅苦況，亦好難俾到一啲我地需要嘅support(按：解決遇到問題嘅建議)。對唔少人黎講，呢個群已融入左生活嘅一部份。

不過其實講到尾，M群嘅存在，都係因為我地呢D(身份曝光)問題、壓力疾礙左我地可以好似正常人咁識返圈內朋友嘅渠道。唔係個個人都可以接受到同性戀，我唔想因為呢個身份而令到身邊嘅朋友疏遠我地，或姐利用呢個身份作人身攻擊。『哎呀！佢地搞gay 嫁！好核突呀！』其實係我地日常聽到，而又傷害性極大的聲音。

加身邊嘅人包括我地嘅父母同埋朋友，成日問我地「有冇女朋友啊」、「有冇鐘意邊個女仔啊」等等，呢D看似平常嘅關心其實是我們心裏的計時炸彈。時間耐左，佢地就會開似有疑問，點解我嘅仔仔唔帶女仔返屋企嘅呢？/點解咁耐都唔見佢介紹佢女朋友俾我地識嘅呢？所以諷刺地，出櫃，同時亦一分一秒咁倒數緊。

MSN群落俾我地嘅就係大家可以係呢個虛擬空間上暫時放下擔子，係識到其他中大同志朋友之餘，於日常生活中遇到問題時都可以搵到個傾訴對像，最重要係，呢個係我地一個可以放低日常扮直仔嘅面具，做返真實自己嘅空間。」

Mil，中大男同志M群始創人，現為中大理學院研究生

註：member 於同志圈內等同「同志」一詞