校園散打:崇基週會──（無乜）反思褔島核事故

文︰唔夠薑

崇基週會請左城大校長郭位黎講「褔島核事故的反思」，我都真係想睇下福島單野搞乜先reg入去，點知個講座有少少「掛羊頭賣狗肉」，郭位都只係講左幾句係關福島單野事，其餘時間都係讀d佢改左做支持核電嘅唐詩同講核電發展嘅故仔。

其實話明反思核事故，我地聽眾或者會期望聽到另外嘅聲音。但係今次個講座，我地能夠聽到或者主要聽到嘅都只係支持核能，將核電發展合理化或者降低核能發展危險性嘅論述。但係對於呢d特別具爭議性嘅議題，崇基當初揀講者嘅時候，係咪應該請埋其他立場既團體／人士黎，令到討論發生呢？

事實上，當日場外就有「反核之眾」［註一］示威，亦有中大師生幫手派《核能十問十答》［註二］。為左學術討論、知識生產，校方請佢地入去辯論都唔錯吖。不過有關方面認為佢地唔係崇基學生無reg到，所以無得入去喎。

老實講，聽完講座又睇完本《核能十問十答》都仲未決定到撐核定反核。不如校方搵次搞個討論會一齊傾下啦。

［註一］「反核之眾」係由三十幾個民間組織聯合而成既反核團體，網址：http://www.greenpartypost.net/nonukes.html
［註二〕《核能十問十答》網上版：http://ihome.cuhk.edu.hk/~b107341/anti-nukes.doc