文藝｜囡囡展：你點睇？

編按：由十一名藝術家搞嘅展覽 —《囡囡展 以色情電影及囡囡為主題的畫展Girl-jpg Exhibition》晌三月三十一正式結束。展覽晌中環嘅Gallery de Vie舉行，除左有畫之外，仲有模型同拼貼等等，藝術家嘗試透過唔同型式去展現佢哋鍾意嘅囡囡。錯過咗個展覽？唔緊要！志明同春嬌都去咗呀，我哋就睇吓佢地講咩，想像番部分嘅囡囡都好。

春嬌：

之前不是跟你提過中環有個囡囡展嗎？我今天去了呢，不錯呀，去了沒？

其實囡囡展是設在一間賣衣服的店內，店很小，兩三步穿過賣衣服的部份，就到展覽區。這區域更少，一目了然。整個展覽大約有十多件作品，油畫、紙雕、figure、漫畫……麻雀雖小，五臟俱全。囡囡，囡囡，果然每一個畫框之內都有女女。囡囡們都很sexy：長長的秀髮、誘人的身材（就是該大的大，該小的小）、挑逗的動作，看得我心花怒放。店內還播著囡囡的呻吟聲，錦上添花，整個氣氛很不錯。不瞞你說，實在看得我慾火焚身，差點沒……哈哈。難怪別人說要一個人去看了。如果每一件作品都有一個獨立房間，那就不怕出現尷尬場面了，多好！哈哈。

有一個叫「豐乳夜歸人」的展品，真令我又愛又恨！「豐乳夜歸人」由八件作品組成，是說女生夜歸遇上「宇宙強姦魔」該如何應對的故事。招式千奇百怪，如說自己有性病、來經、取出避孕套等等，而最絕又最可怕的，是把「宇宙強姦魔」的陽具咬斷！看到這裡，腦海不禁浮現出那個景象，心中不禁打了個寒顫。男人嘛，不免有這個恐懼，嘿。

最後提醒一句，那條歌賦街不易找，我問了好幾個報販，找了半個小時，才見到那個路牌。如果下次再搞這類展覽，能在一個方便顯眼的地方就好了。

未看的話，快去看呀！

志明
●●●●●●●●●●●●●●●●●●●●●●●●●●●●●●●●●●●●●

志明：

　　作死你啊，咁耐唔搵我！搵日去飲野啦，唔好又甩我底添呀你！重色輕友！

　　個囡囡展我都有去呀，見你講到咁興奮，我都自己一個去左睇，行到身水身汗。我睇得好開心呀，因為全部作品都係囡囡做主角，連啲藝術家幻想出黎嘅小電影海報同場面，全部都係女仔最大個，企晒中間咁，好正！

　　自己最鍾意Rex Koo果幅「架妹大戰機械獸」，一睇就笑左出黎，女主角攬住隻機械怪獸，係咁「樁」佢個頭落地，身水身汗，但個表情又好似係好辛苦好唔情願咁，但又好似好專心做緊。搞到我諗起成日聽啲friend講，同男朋友做果陣，對方唔理自己感受，剩係顧住自己，佢就要自己郁，交下戲，真係幾惡頂同辛苦。（你有冇咁對女朋友先？！）

　　另外仲有林祥焜嘅「大支野」同「閱讀號外生活多熱愛」！前者就係一個女仔自己拎住支按摩棒滿足緊自己，好enjoy咁嘅表情；後者呢，就係一個好靚嘅女仔爬緊上IFC，準備打低後面隻怪獸。雖然我唔係好熟藝術野，但我諗藝術野都係好開放嘅，總之自己解得通就得啦。其實我兩幅鍾意嘅原因都差唔多，就係鍾意佢畫女仔得黎，又唔係畫到女仔一定要好被動咁，由第二個人滿足，反而可以自己滿足自己，自己要想要嘅野！本來爬IFC都冇乜特別架，但唔知點解，行完成個展覽再睇番呢一幅，就聯想到IFC其實係陽具！咁拍番埋去我鍾意果張「大支野」度，兩幅都係畫女仔自己滿足自己慾望，唔使一定靠第二個人咁被動，好鬼爽！

　　以後有呢啲可以一齊去喎，順便去食下飯傾下偈嘛！你知你架啦，成日潛左唔知去邊！！！唔講啦，要去煮飯！自己去滿足自己嘅食慾呀！拜！

春嬌
●●●●●●●●●●●●●●●●●●●●●●●●●●●●●●●●●●●●●

延伸資料
《囡囡展 以色情電影及囡囡為主題的畫展Girl-jpg Exhibition》
展覽日期:　5 /3/2010 – 31 /3/2010
地址：Gallery de Vie香港中環歌賦街45號地下
Artists List::
Childe Abaddon、Elphonso Lam（林祥焜）、Faminik、Katol （@ start from zero ）、Little Thunder（門小雷 ）、Michael Wong、Tak（楊學德）、Telephone_fung、Tore Cheung、TVO (盲公夫人 )、Rex Koo