校園︳【校園散打】教務會改組——民主大倒車！

文：選民

話說間間大學都差不多精簡晒佢地教務會的架構，淨低中大未做，而家中大都做緊喇，不過就有一樣好有趣o既事情發生。正常黎講都應該係按比例咁cut少d人，但係整個改組校方高層就唔駛點cut，校長呀副校長呀必然坐晒係度，學生代表就要不成比例咁cut，以後唔會每個書院有代表（仲敢話新書院唔係宿舍書院！？），即使各學院也不能各派代表，由校長委任的成員佔去多數。許敬文副校長仲話過，教務會改組係抄功能組別－－大佬，出面一日到黑彈緊立法會有功能組別令到幾乎所有議決都係親建制，學生以後係教學事務仲有幾多可以參與o既位置？更謊謬就係早一兩個月教務會改組小組開會，其中一個學生代表突然提出取消學生會會長作為教務會必然委員的身份，意即三個教務會委員都要由另外的民選機制得出，會上竟有多人支持，即使學生會會長即場提出反對聲音，都阻礙唔到事情發生－－好多年前由校友辛辛苦苦爭取番黎學生會能夠參與教學事務的位置，竟然咁就面臨取消。還有就係，你想像下，件事就係明明學生會會長就係全民投票選出黎，有埋教務會委員職務，咁講法以後學生會會長想做教務會委員，竟然又要再全民投票選一次，矮化學生會地位，莫過於此。