嗌生晒！

原刊於中大學生報《迎新特刊》，2002年  嗌生晒！ fibi  過o左一年之嘛，小弟對於O'camp o既印象就好似放左一個 好大o既屁，「呠」一聲之後就乜都無……無組聚，無打招 呼，無相，正一百無。諗黎諗去，真係有印象既野就淨係 得dem slogan（註），又稱cheers，亦都可以叫「互片」 ，總之就係一大班新生跟住自己個系既所謂大組長嗌生哂 o既一項活動。  「BA靚女最省鏡，樣靚身材又最正。」  33℃的白光夏日，5xx個BA既freshman同5xx個ERG既新生o係 百萬大道狹道相逢。大組長叫一句，freshmen又叫一句， 此起彼落，好不過癮。最強勁既就係大組長手上有過百條 個D 4X7 Slogan，隨口嗡一條你都會驚覺依家既CU學生係 幾咁有創意，成千人一齊媽媽叉叉，你話仲有邊種場合會 可以好似Dem slogan咁將人類既原始獸性盡情發洩得淋漓 盡致呢？  但係，為乜要咁做？  答唔到。  不如換個角度諗下。  當年紅衛兵o係各省大串連，大家高舉毛語錄，大叫「爹親 娘親不及毛主席親！」總之毛主席講乜，我地就跟住話乜。  係咪有D似曾相識？  原來，過o左20幾年，我們還在幹著同樣的事情！  咁，問你紅衛兵為乜要係咁嗌生哂？ 唔知咧……  咁咪係囉，仲問。  原來，由俾個成千銀O'camp費開始，我地已經忘記o左有「 拒絕參與」同「理性思考」o既權利了。   註：dem，應該係demonstration呱，唔好問點解