公共空間．公共開拖——西洋菜之戰

{mosimage}

編輯︰F.A／奕

立法會選舉前夕，社會各界總會平地一聲雷，忽然爆出一些平時唔會講的觀點。

六月，以仇振輝為首的保皇黨區議員在區議會上提呈︰

「但，西洋菜街行人專用區被濫用：客戶推銷員截停行人推銷產品；遍佈廣告易拉架；上演話劇，甚至表演雜技；集會……等等的噪音、治安等問題對本區居民的滋擾十分大，這樣的情景與設立行人專用區的原意完全違背了。該區的業界和居民表示：若行人專用區的管理沒有改善，寧願取消該試驗計劃。」

看似改善建議，實則政治打壓，心存歪念，嚇唬在菜街主場搞論壇的各種民間團體。最?膽的是你都唔知佢的民意孰真孰假，反正吹水。此口水戰一開始，各界就發動反擊或騎劫；西九龍幾股泛民勢力都各自邀功，講到香港始終有你，而菜街又好似佢地自己屋企咁重要。

說時遲那時快，講開菜街，另一條戰線又馬上冒起——facebook 上有網民發起「將好戲量踢出旺角」小組，兩下手勢小組已有萬幾人加入。你一言我一語，一時間，菜街／公共空間的限制應該係點？行人專用區係咪淨係俾人行？係咪行緊先算行人坐下就唔算？係咪挾藝術或理想之名就可以阻街？阻街有咩唔好？……如此這般，一場民主生活的肉博辯論就吹吹下吹左出黎。

好戲量事件仲有排傾，下期再探討。但至少我們也願意參一腳，講下我們的菜街經驗，同埋介紹番，一場關於街頭聲音的電影。共勉之——有咩都可以上黎會室搵我地傾架，——文化廣場你地又點睇呢例如——或者約埋一齊出菜街搵楊秉基又得。