實用——不專業Foodie【1】

文：全莊都係 Foodies

WS Pavilion（和can）

地理位置：和聲書院低層二樓 

類型：中西快餐（官網介紹）因食物份量越來越少而被某 secret comment 戲稱為法國菜 La Woo Sing

• 偏貴（不過貴有貴食，平有平食）
• 食物份量偏少
• 和聲卡八折（記得拉埋和聲friend去食）
• 景靚

備註：

• 焗飯全部用同一個焗爐，一個焗飯要等15分鐘以上，若前面焗飯多單的話，祝你好運:)

Paper & Coffee（龐can）

地理位置：龐萬倫學生中心2樓，（CC Can及CC Lib中間)

類型：日式（款式不算多但會定期轉 menu）

• 偏貴
• 白飯份量少但係蔬菜款式多（據稱有十款，但中茄子機率奇高…某小編原地去世）（可叫多飯/多菜）
• 咖啡選用淺炒咖啡豆，適合鍾意咖啡偏甜、帶花香果香的人（拉花都好靚㗎～）
• 日式裝潢

• 有榻榻米
• 部分位置有叉電位
• 榻榻米位會被外面排隊嘅人潮睥

備註：

• 限聚令下堅持兩人一檯，等客人唔使登記資料，等位等好耐（15-40 分鐘）
• 可以用 Storellet 儲分

蘭苑

地理位置：何添樓側

類型：室內西餐，室外快餐

• 室內：價錢偏貴，但食物質素幾好
• 室外：份量充足，價錢相宜
• 招牌菜：五層厚多士、香蕉船、All Day Breakfast
• 室外座位會比較熱同埋多蚊

室內外唔同 menu setting，不適用於早餐同埋下午茶，所以可以放心坐入去

小念頭

地理位置：賽馬會研究生宿舍3座（敬文書院對面）

價錢：偏貴

類型：台灣菜 + 手搖飲品

特色：有榻榻米，偶爾會有 band performance 或其他活動。堂食比外賣好食。奶蓋嚟講中大最高質~ 堂食嘅綠茶是冰鎮的！

備註：疑涉拖糧問題【2】

崇基學院學生膳堂（CC Can）

地理位置：眾志堂（龐萬倫同 YIA 之間）

價錢：由極平變咗中價

類型：由頹飯變咗走國際化路綫(?）有越南河、咖哩、滷肉飯

備註：某 ECXN121X lecturer 話if you are poor you go to cc can

Coffee Corner （音：Coffee Con）

地理位置：范克廉樓地下，本部圖書館（Ulib）左手邊樓梯（aka pk 梯）直落去范克廉樓左邊嗰間，尚算方便

價錢：平

類型：快餐

備註：漢堡包+薯條好搶手，唔知點解永遠唔入多啲貨 :<，正常晚市時間去都已經賣曬… 所有 coffee con 姐姐都好似長期躁底(? 

中大大膳堂

地理位置：范克廉樓地下，本部圖書館（Ulib）左手邊樓梯直落去范克廉樓右邊嗰間

類型：大家樂

備註：可以齋坐，個袋放埋喺隔離位就再寬敞啲，坐坐下可能會比人 sell 保險：）

一起素（素can）（已摺）

地理位置：范克廉樓 LG14（泳池看台側）

備註：據消息指，將會由小念頭接手，間嘢叫「素人 Freshman」

女工合作社

地理位置：范克廉樓低層地下，學生會室及游泳池旁

價錢：非常平

類型：類似中學小食部，但多好多選擇。女工姐姐好好人。

備註：以前開到凌晨會有同學幫手打工，唔夠位可以坐喺隔離看台食

有懷舊糖果+小食（砵仔糕、秶飯 etc. ）雪糕款式算舊，平過 fusion

開心軒*（UC Can)

*開心軒多不作店名用，而係入面嘅飲品代名詞，造句：我想飲開心軒；或者 UC Can 中賣手搖飲品的區域，造句：我想去開心軒（去飲嘢）

地理位置：張祝珊師生康樂中心地下，聯合書院走讀生宿舍附近，情人路旁

價錢：偏平 (外賣 +$3 呢樣嘢被 secret 討伐過）

類型：米線+台式日式 + 快餐 + 開心軒

備註：早前聯合學生有得儲印換嘢食，聯合學生 $18 有個飯，最出名嘅係珍珠奶茶同 uncle’s milk，小菜幾好食，可以叫外賣。食蛋糕記住食開心軒，唔係買嘢食嗰邊嗰啲 wuuu

李卓敏基本醫學大學小食店（Med Can）

地理位置：基本醫學大樓地下，煲底附近

價錢：抵

類型：典型茶餐廳

食物：有早餐食；雙/三餸飯（有得嗌是但）。檸檬批大伏，雪到有冰，批底淋嘅，上面硬到一桔落去會飛落地。

備註：下午茶時段叫雙餸會變三餸，因爲廚師叔叔好好人，同埋啲餸賣唔曬。可以嗌外賣平一蚊，然後攞個飯盒喺餐廳嘅室外區域食。廚師叔叔好好人，下午茶嗌雙餸飯會加多個餸。

善衡書院餐廳（善 Can）

地理位置：善衡書院陳震夏館 1 樓

類型：美心

備註：放棄咗年輕人，但未放棄大學生嘅錢

晨興書院宴會廳（晨 Can）

地理位置：格林伯格樓低層地下

價錢：$4X – 5X，晨興 SID 有 8 折

食物：以前伏，換咗承辦商好咗，其實食落唔錯，食埋個景，CU 咁多 can 僅次於和聲落地大玻璃，但係款少，每日早餐 2 款，送嘢飲，奶茶、咖啡、好立克都得；午餐 5 款（通常中餐 1 款、日餐 1 款、西餐 1 款、之後唔知乜餐 1 款、清真餐 1 款）另外上面仲有間 MC cafe，晨興 cafe 成日比人吹爆，暫時停業。

另外一個莊員表示哩度連好立克同埋阿華田都沖唔好（顔色正常但味道好淡，好似一杯水加咗粉）:> 沙律菜係暖同埋唔脆嘅，朋友表示沙律醬係全盒入面最好食嘅部份。

備註：夠膽嘅可以求其 yo 爆啲外國人。以色列、俄羅斯、加拿大、波蘭、約旦、沙地阿拉伯、摩洛哥都係 yo 到（聯合國 canteen aka 中大 English Corner)，晨興 can 有個鋼琴放左係到，彈琴都唔會有人理。

新亞書院學生餐廳（NA Can）（轉手後未啟業）

地理位置：樂群館梁雄基樓地下低層，錢穆圖書館後面

備註：曾因政治立場拒絕校友「渾水財經」嘅投資，據 CU Secret，中標者係藍店。

敬can（已摺）

地理位置：位於敬文書院（山腳邊）3、4、6、8 號巴可抵達

備註：曾經喺二號橋衝突嗰陣派飯，後尾不獲書院續約。係中大唯一一間星期日和公眾假期仲會開嘅餐廳。

Ebeneezer’s Kebabs and Pizzeria（清真 can）

地理位置：李慧珍樓 G05 室，信和樓後面 

價錢：中大嚟講唔平，但平過出面分店好多

食物：各式咖喱飯，啲醬好咸嘅沙律，嗌一忽好貴但嗌成個好抵嘅 pizza, 雞 + 薯條做下午茶幾個人 share 幾正，叫辣都真係好辣。

特色：嗌嘢食要用英文，liu lung 的食物價錢會帶給你瑣碎的零錢作找贖

The Sandwich Club （珍can）（已結業，現遷往李兆基樓地下低層，但依然暫停營業）

地理位置：李慧珍樓地下，三兄弟後面，清真 can 隔離

備註：有傳蘭苑會接手經營

逸夫書院餐廳（附設咖啡閣）（SeeYou@Shaw） 

地理位置：國懋樓樓下

價錢：偏貴

類型：頹

食物：得三個餐。有三餸飯、扒餐、台式餐，味道普通，但價錢比起一般canteen貴

備註：餐具污糟 

伍宜孫書院學生飯堂（暫時閂咗）

地理位置：伍宜孫西座地下低層

Cafe 330 / Inno 330

地理位置：前者喺 YIA 大學書店外，後者喺博文苑低層地下

特色：充滿蛋殼的蛋沙律三文治 :<， 可以喺非營業時間入去溫書（誤） 星期日摺讀聖地 🙂 

雲起軒

地理位置：樂群館梁雄基樓地下，NA gym 樓下

類型：中式麵

特色： 裝橫為有講究嘅古風但價值平民 ，會員制，所以學生無得食 :D， 傳統嚟講新亞學生讀完 GENA1113 個 lecturer 會帶班學生入去食

思源館

地理位置：鄭棟材樓地下，UC Can 旁

類型：意粉、酒、蛋糕

特色：好多有米職員喺度食，e.g. 周保松

崇基書院教職員聯誼會會所

地理位置：崇基學院禮拜堂對面，信和樓對面

類型：茶樓

價錢：正常茶樓，所以比平均 CU 食肆嘅消費水平高

特色：名義上 for 教職員，但學生都係會入去食嘅

The Stage

地理位置：鄭裕彤樓 3 樓

類型：早餐有 $30 出前一丁 + 煎蛋 lmao，All Day breakfast 唔錯但貴囉，好似漢堡包都出名 ，午餐餐牌比較少轉但其實 ok，蛋糕/果汁反而算平（$5 一件桂花糕平過女工嗰啲><）

特色：好多街外人，商院教授/職員；靚景

【1】部分餐廳由於疫情關係已不營業多時，眾編輯實在無法於此部分囊括中大所有餐廳。煩請有興趣之讀者自行參考以下網站了解中大哪些地方會有食肆 https://www.cuhk.edu.hk/chinese/campus/accommodation.html 

【2】【小念頭 – 拖糧欠薪28日先出糧】 – 事主投稿https://www.facebook.com/workercom/posts/1839189842907375