(不是)千篇一律的大學生活前言　　

文:angora

「你點睇中大學生？」。你答呢條問題之前，我地已經搵左一班人答。佢地唔介意你A-level冇攞過A；更加唔係你米飯班主，唔會俾到intern機會補習學生你，所以如果你睇完之後完全唔理都無可厚非。

宿舍讓我們初嘗離家自住，通宵睇波打機，與即食食物為伍，還有甚麼識朋友趕功課方便開會，總之者好像唔住唔得，又好像愈住愈開心。人地成日話中大宿舍冇友校那些咁好玩，咁究竟好玩係咪即係熱鬧呢？即使舍堂熱鬧，又可以帶黎咩野？三／四／五年時間又要讀書又要補習又要拍拖，即使你在宿位緊絀的情況下得到床位一個，可能連訓都未必有時間。

正所謂「開了山闢了地」，山頭上的一大塊地，冬特別涼夏特別熱。但係你只不過係上堂返宿落火車站，嶺南場四條柱兩個水塔的存在與否可能冇咩意義。人與環境的關係，可能薄弱到──因為怕熱唔行路，因為要起宿舍而斬樹──而唔知會被置放到一個怎麼的位置。

這部分我們書寫大學生活，希望可以勾畫到一個輪廓出黎，至於五官的線條，就要靠你畫埋落去。